Svijet

Najveći najmanji borac: Elena se rodila sa samo 416 grama, a samo 260 ovakve djece je do sada na svijetu preživjelo (VIDEO)

Elena nosi "titulu" najmanje bebe u Hrvatskoj, kada je došla na svijet imala je samo 24 centimetra i 416 grama, mogla je da stane u mamin dlan. Nakon velike borbe i 36 dana na respiratoru napustila je bolnicu i sada uživa u svom domu.

Najveći najmanji borac: Elena se rodila sa samo 416 grama, a samo 260 ovakve djece je do sada na svijetu preživjelo (VIDEO)
FOTO: ŽENA.HR/FACEBOOK/SCREENSHOT

Elena jako veliki borac. Svašta je prošla i da nije takva ne bi bila sa nama danas. Odmah nakon porođaja ljekar nam je ona najmanja beba u Hrvatskoj, kasnije smo to provjerili i ispalo je da stvarno jeste. Taj strah i neizvjesnost. Nismo znali kako će sve biti, ali smo bili pozitivni – kaže njena majka Marija.

Rođena je u 27. nedjelji trunoće, a ljekari iz Zavoda za neonatologiju KBC Osijek kažu da je teško i zamilsiti koliko je bila mala kada se rodila, prenosi Blic.

– Ne možemo nikome to objasniti u potpunosti, ali kad pričamo o tim bebicama, svi se zamisle. Zamilsite flomaster, te dužine je bila. Cijeli njen dlan bio je kao komadić prsta kod odraslog čovjeka – kaže Tatjana Vakanjac iz Zavoda za neonatologiju KBC Osijek.

Tata ju je, usljed epidemije korona virusa, rijetko posjećivao.

– Sve mi je ovo bilo teško, što ona nije sa nama. Malo je viđamo i falila nam je, uzbuđen sam što ne viđamo bolnicu više – priča Marjan, Elenin otac.

Medicinska sestra sa odjeljenja neonatologije, koja u ovoj ustanovi radi već 26 godina kaže da su svi zaposleni bili veoma uzbuđeni, ali i da je Elenino rođenje bilo veoma stresno.

Upoznajte Elenu, bebicu koja je stala u mamin dlan kada je došla na ovaj svijet, a sada uživa u svom domu s mamom i tatom! 🥰🥰Čuda se događaju! Elena, želimo ti svu sreću ovoga svijeta! ❤❤❤

Posted by Žena.hr on Thursday, September 17, 2020

– Bili smo svi uzbuđeni jer smo dobili dijete sa najmanjom kilažom. Sestre sa ovog odjeljenja trudile su se da daju svoj maksimum i ponosna sam na njih. Bio je to veliki stres – kaže Anamarija Brož.

Pedijatar Darjan Kardum kaže da se prema statističkim podacima stopa preživljenja djece koja se rode sa tako niskom kilažom veoma mala,

– Prema jednom američkom registu samo je 260 beba rođeno sa masom ispod 400 grama koje su do sada preživjele, tako da je preživljavnje vrlo nisko. Naš posao je uvijek veoma stresan i izazovan prije svega zbog specifičnosti – navodi on.