Hronika

PRIJE 16 DANA MU SE IZGUBIO SVAKI TRAG Nestanak vođe navijača Partizana i dalje MISTERIJA

Vođa navijača Partizana, Goran Veličković Goksi (33), nestao je prije 16 dana, a intenzivna potraga za njim i dalje traje.

PRIJE 16 DANA MU SE IZGUBIO SVAKI TRAG Nestanak vođe navijača Partizana i dalje MISTERIJA
FOTO: B. VUČKOVIĆ/RAS SRBIJA

Nezvanično, nema novih naznaka gdje bi on mogao da se nalazi, ali za njim se traga od prvog dana kada je prijavljen nestanak.

Veličkovića je posljednji put vidjela supruga 3. avgusta u Višegradskoj ulici, u samom centru Beograda u popodnevnim satima. Te večeri se inače nije vratio kući, niti se javljao na telefon porodici i prijateljima. Dodatno su se zabrinuli kada su vidjeli da od trenutka nestanka nije bio aktivan ni na društvenim mrežama. Njegova supruga, prijavila je nestanak policiji 5. avgusta i nadležni od tada tragaju za njim.

Poznat policiji

Inače, Veličković je od ranije poznat policiji. Od marta se nalazio u pritvoru Centralnog zatvora, jer je protiv njega vođen istražni postupak, a tada je pušten na slobodu, pisao je Kurir.

Inače, Goran Veličković javnosti je poznat kao vođa navijača Partizana, koji je zajedno s Milošem Radisavljevićem Kimijem povukao sa južne tribine i osnovao novu navijačku grupu “Partizanovci”, koja se, u međuvremenu, povukla i sa istočne tribine i privremeno obustavila svoje aktivnosti.

Porodica nestalog Veličkovića moli sve građane da, ukoliko vide Gorana ili imaju bilo koju informaciju o njemu, to jave policiji.