Real je uprkos boljoj igri Engleza uspio da dođe u vođstvo golčinom Vinisijusa Žuniora u 37. minutu, a sa tim rezultatom otišlo se na pauzu.
U nastavku drugačija slika, Real je imao priliku da poveća rezultat preko Benzeme i Vinisijusa, ali je onda uslijedio šok.
Sjajnu akciju ispratio je Kevin de Brujne koji je prelijepim udarcem sa oko 20 metara od gola matirao nemoćnog Kurtou. Do kraja susreta i jedna i druga ekipa umirile su igru jer je ulog prevelik, pa je završeno rezultatom 1:1.
Pitanje je šta će ANćeloti i Gvardiola pripremiti za naredni susret, a ono što smo mogli primijetiti jeste da su i jedni i drugi bili prilično bojažljivi kada je u pitanju igra u posljednjoj trećini terena.
Anćeloti se u početku bazirao na kontre što je i donijelo rezultat u prvom poluvremenu.
U nastavku smo mogli vidjeti manje prilika, ali je Siti ipak uspio stići do izjednačenja.
Odluka o putniku u finale pašće na Etihadu kada će domaćin biti Mančester siti.
Tok meča:
Real Madrd : Mančester Siti 1:1
93. minut Portugalski sudija odsvirao je posljednji zvižduk na Santijago Bernabeu.
90. minut Pravu bombu je potegao rezervista Čuameni, ali sjajno je taj udarac sa oko 25 metara odbranio Ederson.
88. minut Siti drži loptu na svojoj polovini, Real bez pretjeranog pritiska.
84. minut Igra se uglavnom na sredini terena, i jedan i drugi tim ne žele da prime gol do kraja susreta.
79. Real je došao u priliku za pogodak preko Benzeme koji je nakon centaršuta Kamavinge, ali je Ederson sjajni reagovao.
74. minut Ni jedan ni drugi trener nisu posegnuli za izmjenama, Siti je ponovo preuzeo kontrolu nad loptom.
68. minut GOLLLL, De Brujne je sjajno pogodio sa oko 20 metara od gola, Kurtoa nije imao šanse.
61. minut Real je preuzeo inicijativu, a nakon što je lopta ubačena u šesnaesterac, Madriđani su tražili igranje rukom i penal, ali sudija je samo odmahnuo rukom.
55. minut Još jedna sjajna akcija Sitija Halad se našao u 11 metara i pokušao da šutira ali ga je izblogirao Ridiger
55. minut De Brujne je opet pokušao sa oko 25 metara od gola u lijevi donji ugao, ali je Kurtona tu loptu lako uhvatio.
53. minut Sjajna prilika za Mančester siti, De Brujne je izašao sam ispred Kurtoe, ali se ispostavilo da je u ofsajdu.
50. minut Vrhunska igra Reala i sjajna akcija na malom prostoru Kamavinge, Vinisijusa i Benzeme čiji je šut iuzblokiran i odlazi pored gola.
46. minut Počelo je drugo poluvrijeme, ima li Gvardiola odgovor na igru Reala?
Poluvrijeme Real vodi golom Vinisijusa Žuniora.
45. minut Prve čarke na meču, između Karvahala i Griliša, ali sudija je smirio tenzije.
42. minut Siti je ponovo preuzeo kontrolu nad loptom, Real se dobro brani.
37. minut KAKVA GOOLČINA VINISIJUSA, Real vodi na Bernabeu.
35. minut Real je sjajno otvorio kontru preko Valverdea koji je uputio centaršut prema Benzemi, ali je Francuz igrao rukom i sjajan napad je prekinut.
28. minut Sudija Soareš Dijaš iznervirao je sve navijače Real Madrida na stadionu kada je prekinuo kontru Maadriđana, nakon što je Gundogan ostao ležati na zemlji.
25. minut Real imao sjajnu priliku i da Ruben Dijaš nije vrhunski uklizao Benzema bi pas Vinisijusa pretvorio u vođstvo Reala.
23. minut Mančester siti plete mrežu oko gola Reala, ali nedostaje završni pas.
18. minut Real prvi put na utakmici pokazao nešto konkretno kada je Rodrigu gurnuo loptu u prostor za Benzemu, ali je ipak bila prejaka pa je završila u rukama Edersona.
15. minut Još jedan dobar napad Sitija, Haland se otvorio u lijevi poluprostor, gdje je nakon pasa De Brujnea pokušao desnom nogom plasirati loptu, ali je Kurtoa ponovo bio na mjestu.
13. minut Rodri je pokušao iz velike udaljenosti, ali je Kurtoa ponovo bio na mjestu i loptu izbacuje u korner.
8. minut De Brujne je sjajno šutirao sa oko 20 metara od gola, ali je lopta išla pravo u Kurtou koji je loptu izbacio van igre.
4. minut Siti je agresivjnije ušao u ovaj duel i čini se da imaju kontrolu nad loptom, Real čeka u duplom bloku šansu za kontranapad.
1. minut Sudija Soareš Dijaš dao je znak za početak meča, a prvi napad imaće ekipa Mančester Sitija.
Evo i sastava:
Real Madrid: Kurtoa – Karvahal, Ridiger, Alaba, Kamavinga – Valverde, Kros, Modrić – Rodrigo, Vinisijus, Benzema
Mančester siti: Ederson – Voker, Stons, Dijaš, Akandži – Rodri – Gundogan, De Brujne, Bernardo Silva, Griliš – Haland