Njegova prepiska, podijeljena na Iks profilu “Greška generacije”, pokazala je da je, kada je saznao da njegova simpatija ima samo 13 godina, odmah “povukao ručnu” i odlučio da poštuje granice pokazujući odgovornost i svijest o tome da ipak ne želi ništa više od prijateljskog odnosa.
Kako se vidi na fotografiji njihove prepiske, momak je pitao djevojčicu koje je godište, a kada je ona rekla da je 2012. on je napisao:
al što se DECA više muvaju od mene pic.twitter.com/o6mYL204Rb
— Greška generacije (@stefidzax) September 7, 2025
“Uff, ništa onda. Mislio sam da te pitam za vezu, ali ništa od toga. Ja sam 2009”, napisao je on.
“Svaka čast roditeljima”
Pokazujući izvanredno poštovanje prema djevojčicinim godinama, osvojio je simpatije velikog broja korisnika Iks. Iako je objava prvobitno objavljena u šaljivom tonu – sugerišući da se, za razliku od starijih, čak i djeca muvaju – upravo njegova zrelost privukla je najviše pažnje.
“Mali ima više moralnog kompasa od mnogo starijih ljudi”, “Sprdate djecu zbog muvanja a niko da pohvali da mali sa 16 godina ima veću svijest da ne treba biti sa djevojčicom od 13 goodina, nego neki”, “Prisutnost zrelosti i emocionalne inteligencije kod ovog momka od 16 godina je za divljenje, svaka čast roditeljima”, “Ovo je jedno od najkorektnijih stvari koje sam pročitala u posljednje vrijeme, a pritom su u pitanju djeca”, bili su samo neki od komentara ispod objave.
Saznajte sve o najvažnijim vijestima i događajima, pridružite se našoj Viber zajednici ili čitajte na Google News.