MJESTO TUGE I USPOMENA Saša Popović i njegov kum su godinama imali ovu tradiciju, ali nakon smrti direktora Granda muzičar više nema snage za to

Ćira je imao tradiciju da svake godine za suprugin rođendana ide u Opatiju, gdje je Saša Popović imao nekretnine i često je provodio vrijeme. Međutim, ove godine je otišao u Portugaliju jer mu posjeta Opatiji teško i emotivno pada.

– Posljednjih nekoliko godina za Ljiljanin rođendan išli smo u Opatiju, ali od kada nas je Saša napustio, više nemam želju da idem tamo- rekao je za Grand i dodao:

-Ona je željela da vidi Porto i Lisabon, da obiđe sve znamenitosti u tim gradovima, i ja sam odlučio da joj tu želju ispunim. Proveli smo četiri dana u Portu i četiri dana u Lisabonu.

Suzana prodala apartmane u Opatiji

Podsjetimo, dva luksuzna apartmana koja su bila u vlasništvu Saše Popovića u Opatiji su prodata, a u opciji je i da se proda njegova jahta.

Saša Popović je često sa Suzanom Jovanović išao u Opatiju gdje su provodili ljetnje odmore. Prema pisanju medija, jednu od ovih nekretnina čelnik Granda platio je 300.000 evra.

“Saša je imao samo jedan simptom bolesti”

Podsjetimo, Ćira je nedavno za Blic govorio o Saši Popoviću i detaljima njegove bolesti.

– Suzana je još uvijek u šoku, jako teško sve podnosi. Sada ima mnogo obaveza, stalno joj je puna kuća ljudi i onda još uvijek nije svjesna šta se događa. Tek će da je stigne kada gosti odu i kada se stvari smire… Sale je počeo mnogo poslova i sada treba sve to prebaciti na nju, a ona ne može čak ni automobil da prebaci na svoje ime dok ne bude ostavinska rasprava – rekao je Ćira i istakao da je Saša imao samo jedan simptom, piše Blic.

– Nas dvoje smo mnogo vremena provodili zajedno, čovjek nije imao nijedan simptom sem kašlja, mada sam u to vrijeme i ja kašljao. Nevjerovatno je da je išao na magnetnu rezonancu i da tamo ništa nije pokazalo da ima karcinom. Ja sam razmišljao da i ja uradim taj pregled, ali kada sam čuo da traje sat vremena sam odustao. Pitao sam ga čak: “Majke ti, šta si ti radio unutra sat vremena?”. Nisam mogao da vjerujem kada mi je rekao da je pokušao da se sjeti svih učesnika u “Zvezdama Granda” – ispričao je Ćira i dodao:

– On je za dijagnozu saznao tek kada je nakon tri nedjelje otišao da skine gips sa noge, a ljekari su vidjeli da ništa nije zaraslo. E tada se već bolest proširila i nažalost nije uspio da se spasi.