Pripreme su u punom jeku, Labin je već poprimio ružičastu boju konferencije, a zasjaće u punom sjaju tokom petka i subote, sinergijom Lloyds digitala, Sonoluxa te Levela52, koji su se pobrinuli se da ovog vikenda Labin postane središte IT industrije u Hrvatskoj.
Dva dana posvećena učenju, razmjeni iskustava, usvajanju najnovijih trendova, stvaranju novih poznanstava i poslovnih veza, uživanju, zabavi, te gastronomskim poslasticama – sve to nudi Digital Labin.
Raspored konferencije i karta lokacije događanja dostupni su na službenoj web stranici Digitala Labina, omogućavajući svakom posjetiocu unaprijed planiranje i bolju navigaciju tokom događaja. Broj dostupnih kotizacija za konferenciju je ograničen, te je preostalo još samo nekoliko slobodnih mjesta da se u našem rudarskom gradu okupi više od 800 najvećih stručnjaka iz industrije digitalnog dizajna, developmenta i project managementa.
Prvog dana konferencije, u petak, 22.9, održaće se čak 5 stručnih Workshopa, te 3 premium Masterclassa na 7 različitih lokacija u prostorima KUC Lamparna, Gradske knjižnice, Srednje škole Mate Blažine i Sportskog centra Franko Mileta.
Drugi dan konferencije, subota 23.9, donosi još uzbudljivije novosti i popratni sadržaj koji će zaokružiti cijeli događaj, te ga za sve posjetioce pretvoriti u nezaboravno iskustvo. Umjesto klasičnog programa, konferencija će se odvijati na tri pozornice simultano: Design track, Dev&Data track i novi PM&Bizz Dev track. Ovaj dinamični program omogućiće vodećim stručnjacima iz cijelog svijeta da podstaknu posjetioce na duboko kreativno razmišljanje izvan konvencionalnih okvira, te ih inspirišu da oblikuju inovativna rješenja, sve s nadom i entuzijazmom za svijetlu i ružičastu budućnost.
Dvorana Sportskog centra Franko Mileta nosi ime Hangar Arena, kako je Lloydsovci vole interno nazivati, a voditelj programa je Iva Šulentić. Program u Mine Hall dvorani, ime kojim su interno nazvali prostor Lamparne, vodiće poznati voditelj i stend ap komičar Ivan Šarić, dok će treći track, takođe u dvorani Sportskog centra Franko Mileta, ili intenrim nazivom Business Garage, voditi Maja Ciglenečki.
Nakon dnevnih aktivnosti, posjetioce očekuje uživanje u najboljim istarskim specijalitetima, vinima i pivu. I da bi se noći Digital Labina pretvorile u nezaboravno iskustvo priređeni su spektakularni afterpartyji, koji će držati sve na nogama do kasno u noć.
Digital Labin 2023. ponosno se odvija pod pokroviteljstvom Grada Labina, Turističke zajednice Labin Rabac i Turističke zajednice Istarske Županije.
Lloyds digital zahvaljuje svima koji su dio ove priče i organizacije te poručuje svima rudarski – Sretno!
A.E.
Najnovije vijesti Srpskainfo i na Viberu