Svijet

Vojska od ranog jutra na terenu: „Kanaderi“ i „Er Traktori“ gase požare kod Omiša, Pelješca i Zadra

Hrvatska vojska od ranih jutarnjih sati angažovana je na gašenju velikih požara širom Hrvatske, a tokom dana na terenu su bile protivpožarne vazduhoplovne snage Hrvatskog ratnog vazduhoplovstva i Obalska straža.

Vojska od ranog jutra na terenu: „Kanaderi“ i „Er Traktori“ gase požare kod Omiša, Pelješca i Zadra
FOTO: MINISTARSTVO ODBRANE RH/SCREENSHOT

Na području Omiša, Pelješca i Zadra požare su gasili vojni piloti avionima „Kanader“ i „Er Traktor“.

Na području Omiša i Lokve Rogoznice bila je angažovana letjelica CL-415, dok su na području Trolokava i Prgometa požare gasili AT-802 i CL-415. „Kanader“ je angažovan i na području Pelješca, kod Kune Pelješke, dok je „Er Traktor“ gasio požar na području Ninskih Stanova i Zatona u Zadarskoj županiji.

Za prevoz posade „Kanadera“ angažovan je i helikopter Mi-171Š na relaciji Zemunik – Brač – Zemunik.

Obalska straža bila je angažovana i u evakuaciji civila na području Lokve Rogoznice i Omiša, a pomoć je pružala brodom GB-203 „Modrulj“.

Pročitajte još

Iz Hrvatske vojske poručili su da će i dalje biti uz građane i pružati pomoć u gašenju požara i evakuaciji stanovništva gdje god to bude potrebno.

– Hrvatska vojska uvijek je uz svoj narod – poručili su.

Vojska objavila snimke iz kanadera, Omiš skoro opustošen.