Dobra vijest je da postoje jednostavni trikovi koji mogu pomoći da sprečite golubove da dolaze na vašu terasu.
Plastične kese i šarene trake
Jedan od najjednostavnijih načina da otjerate golubove jeste da okačite šarene trake koje će lepršati na vjetru. Njihovo pomjeranje i refleksija svetlosti plaše ptice i odvraćaju ih od slijetanja. Sličan efekat možete postići i pomoću plastičnih kesa u raznim bojama ili balona koje ćete postaviti na nekoliko mjesta na terasi.
Kada se pomjeraju na vetru, stvaraju vizuelni efekat koji golubovi ne vole, pa će pobjeći daleko od vas, prenosi Najžena.
Aluminijumska folija
Još jedan trik koji mnogi koriste je aluminijumska folija. Postavite je na više mjesta na terasi ili oko ograde. Refleksija svjetlosti i šuštanje folije čine prostor neprijatnim za ptice, pa se često dešava da golubovi potpuno prestanu da dolaze na terasu.
Aromatične biljke
Golubovi ne podnose jake mirise, zbog čega možete iskoristiti i aromatične biljke kao prirodno rješenje. Na terasi posadite biljke poput lavande, ruzmarina, nane. Osim što mogu pomoći da otjerate golubove, ove biljke će učiniti da terasa prijatno miriše i izgleda ljepše.
Uz malo kreativnosti i stvari koje već imate u kući, možete sprečiti da golubovi ponovo dolaze i pretvaraju vašu terasu u svoje mjesto za boravak.
Saznajte sve o najvažnijim vijestima i događajima, pridružite se našoj Viber zajednici ili čitajte na Google News.