Vrlo čest problem nakon boravka u prirodi je mogućnost od uboda krpelja.
Glavno staniše krpelja su travnate, žbunovite i šumske vegetacije. Ono što je za najvažnije jeste da krpelji prenose bolesti. Stoga je potreban oprez.
Krpelj može biti vektor (prenosnik) uzročnika više različitih bolesti, a za čovjeka je najvažnije što može prenijeti Lajmsku boreliozu.
Ovo oboljenje izaziva bakterija Borelia burgdorferi, čiji je prenosnik krpelj Iksodes ricinus.
Od 30 vrsta krpelja koji se mogu zakačiti na čovjeka, samo ova vrsta krpelja je potencijalni prenosilac oboljenja.
Uzmite špicastu pincetu obuhvatite glavu krpelja što bliže koži (izbjegavajte mekani dio krpelja) i čvrstim laganim pokretom samo ga izvucite iz kože. Možete sa strane pogledom kontrolisati da li ste blizu koži i da li ste dobro obuhvatili dio krpelja blizu kože.
Kada izvučete krpelja provjerite da li je u koži ostalo ikakvih ostataka. Ako je ostala “nožica” sve što trebate raditi je da to mjesto čistite alkoholom. Takav ostatak će organizam sam “odbaciti”.
Pratite mjesto gdje je krpelj bio, ali i svu ostalu kožu, naredni mjesec dana.
U slučaju da se pojavi osip javite se u svoju porodičnu ambulantu radi propisivanja antibiotske terapije.
Ukoliko se odlučite sami izvaditi krpelja nikako nemojte raditi ovih nekoliko stvari:
– Potpuno je pogrešno na krpelja stavljati bilo kakva sredstva poput: vazelin, benzin, sapun, bilo kakva ulja, alkohol, lak za nokte i sl. Ova sredstva će možda natjerati krpelja da napusti kožu, Ali takođe će mu zatvoriti dotok vazduha, što će ga nadražiti i natjerati da ispuni sadržaj tankog crijeva u krv i time vam prenese eventualnog uzročnika bolesti.
– Nemojte stiskati krpelja, nemojte ga otkidati prstima, čupati, češati se po tom mjestu, paliti ga ili omamljivati dimom cigarete, niti na bilo koji drugi način dozvoliti da ga traumatizirate. Sve to ga tjera da ispusti sadržaj crijeva u vašu krv, a to je ono što želite izbjeći kako bi prevenirali potencijalno oboljenje kao posljedicu ujeda krpelja.
– Prilikom vađenja krpelja, nemojte ga uvrtati, samo ga izvucite kako je prethodno navedeno.
– Prilikom izvlačenja krpelja pincetom ga uhvatite što bliže koži. Izbjegavajte dirati mekani dio krpelja iz gore navedenih razloga.
Ukoliko vidite krpelja i želite da vam ga izvadi stručna osoba ili sumnjate na bilo koji problem vezan za ovu oblast, javljate se svom ljekaru porodične medicine (ambulanta porodične medicine ili pripadajući dom zdravlja), prenosi Kliks.
Najnovije vijesti Srpskainfo i na Viberu