Pošto je uvidjeo da mu naručivanje ploča preko Studenta ide bolje nego prodaja samog magazina, osniva sopstvenu izdavačku muzičku kompaniju “Virgin” 1972. godine. Već sljedeće godine, Branson pokazuje da nije samo talentovan biznismen, već da ima sluha i za nova muzička stremljenja, pa izdaje album do tada nekomercijalne elektronske muzike.
Riječ je o debi albumu Majka Oldfilda Cevasta zvona, koji je prosto osvojio svijet i prodatje u četiri miliona primjeraka.
“Virdžin” nastavlja da izdaje nekomercijalna izdanja i da prati karijere kultnih rok i pank bendova kakvi su bili “Seks pistolsi”.
Nemirnog duha, kao pravi pripadnik hipi generacije koja je uspjela u biznisu, Branson širi posao svoje kompanije. “Virdžin Atlantik” postaje uskoro drugi avio-prevoznik u Britaniji, a virdžin-kola je trenutnonajprodavanije piće na planeti poslije koka-kole.
Sve što Branson dotakne pretvara u zlato, posjeduje veliku hotelsku mrežu po Karipskim ostrvima, turističku kompaniju, svoju banku i ekskluzivne ugovore sa najvećim zvijezdama pop kulture- “Stonsima”,Brajanom Ferijem, Dejvidom Bouijem, Dženet Džekson.
Sebi je kupio malo tropsko ostrvo da bi mogao da napravi ekskluzivno vjenčanje, drži brzinske rekorde u prelasku Atlantika jedrilicom i preletu Pacifika balonom. Toliko je ekstravagantan, da je leteći svojim slavnim “Virdžin” balonom pozdravljao putnike “Virdžin” aviona, čiji su piloti mijenjali svoju maršrutu da bi pozdravili svog otkačenog vlasnika.
Autobiografiju Kako sam izgubio nevinost smatra, poput svog života, umjetničkim djelom.
Njegovo bogatstvo danas premašuje cifru od 1,7 milijardi dolara, a do njega je stigao uz pomoć svog motoa: “Ako znaš jedan posao, znaš ih sve”.
Saznajte sve o najvažnijim vijestima i događajima, pridružite se našoj Viber zajednici ili čitajte na Google News.